ცხელი ხაზი: 247 54 44
  • ციტიზენი საინექციო

ციტიზენი საინექციო

ციტიკოლინი

  • მწარმოებელი: ZEE Laboratories Ltd
  • აფთიაქიდან გაცემის წესი: II ჯგუფი. გაიცემა ფორმა №3 რეცეპტით
  • გამოშვების ფორმა: საინიექციო ხსნარი
  • რაოდენობა შეფუთვაში: № 3
  • დოზა: 1000 მგ
  • მომხმარებელთა ჯგუფი: მამაკაცი , ქალი
  • EAN/UPC შტრიხ კოდი: 8904054606039
გამოყენების ინსტრუქცია 
CITIZEN INJECTION
ციტიზენ ინჯექშენი 
(ციტიკოლინის ინიექცია ი.ფ. 1000 მგ/4  მლ)

სამედიცინო  პროდუქტის დასახელება
ციტიზენ ინჯექშენი
შემადგენლობა:
ერთი მლ შეიცავს:
ციტიკოლინის ნატრიუმის მარილს, რომელიც 250 მგ ციტიკოლინის ეკვივალენტურია.
დამხმარე ნივთიერებები: მეთილპარაბენი, პროპილპარაბნი, EDTA-ს ნატრიუმის მარილი, ნატრიუმის მეტაბისულფიტი, პროპილენგლიკოლი.
სამკურნალო ფორმა და დოზა
1000 მგ/4 მლ ი.ვ./ი.მ. საინექციო ხსნარი.
ფარმაკოლოგია
ფარმაკოდინამიკური  თვისებები
ციტიკოლინი არის კომპლექსური ორგანული მოლეკულა, რომელიც ფუნქციონირებს როგორც უჯრედების მემბრანის ფოსფოლიპიდების ბიოსინთეზის შუამავალი.
მოქმედების  მექანიზმი
ინსულტით გამოწვეული ინტენსიური დაზიანება საჭიროებს ნეირონების აქსონებისა და სინაფსების აღდგენას და რეგენერაციას, ამიტომ ახალი მემბრანის წარმოქმნა აუცილებელია. პირველადი მექანიზმი, რომელიც ინსულტის დროს განაპირობებს ციტიკოლონის თერაპიულ ეფექტს, არის მისი უნარი გაზარდოს ნეირონების მემბრანების პირველადი კომპონენტის-ფოსფატიდილქოლინის სინთეზი. იგი ასევე აძლიერებს აცეტილქოლინის სინთეზს და ამგვარად ამცირებს ინსულტის დროს ქოლინერგული ნეირონების დაკარგვით გამოწვეულ სიმპტომებს. კიდევ ერთი მექანიზმი, რომლის მეშვეობით ციტიკინოლინის გამოყენება  ეფექტურია ინსულტის დროს, დაკავშირებულია მის უნართან  შეამციროს დაზიანების ადგილას თავისუფალი ცხიმოვანი მჟავების კუმულაცია და შეაფერხოს პროცესის გავრცელება. ცხოველებზე ჩატარებულ და უჯრედული მოდელების კვლევებში ციტიკოლინი ხსნის, ამცირებს ან შექცევადს ხდის იშემიის ან/და ჰიპოქსიის ეფექტებს და მოქმედებს ქალა-ტვინის ტრავმების დროს, ამცირებს და ზღუდავს ნერვული უჯრედების მემბრანების დაზიანებას, აღადგენს მგრძნობელობას და არეგულირებს უჯრედშიდა ფერმენტების ფუნქციას და რეაბსორბციის გზით ამცირებს ტვინის შეშუპებას. ამრიგად, დაგროვილი მნიშვნელოვანი მტკიცებულებებით ციტიკოლინი ეფექტურად ზრდის, ინარჩუნებს და აღადგენს ნეირონების მემბრანებს და მათ ფუნქციას იშემიისა და ტრავმული დაზიანებების დროს. დემენციის მქონე პაციენტებში ციტიკოლინი ამცირებს დაზიანების გავრცელებას. 
ფარმაკოკინეტიკა 
აბსორბცია
ციტიკოლინი კარგად შეიწოვება კუნთში შეყვანის შემდეგ. 1000 მგ ციტოკლინის ინტრამუსკულარული ინიექციის შემდეგ ქოლინის მაქსიმალური კონცენტრაცია პლაზმაში 0.4 სთ-ში მიიღწევა და 11 მიკრომოლი/ლ-დან (საწყისი მაჩვენებელი) 25 მიკრომოლი/ლ-მდე იზრდება.
განაწილება
ციტიკოლინიდან მიღებული ქოლინი კვეთს ჰემატოენცეფალურ ბარიერს და წარმოადგენს აცეტილქოლინისა და ფოსფატიდილქოლინის (ლეციტინის) სინთეზის წყაროს. ციტიკოლინის დოზის ძირითადი ნაწილი შედის ქსოვილებში და მონაწილების ბიოსინთეზურ/ბიოდეგრადაციულ პროცესებში, მათ შორის ლეციტინის/ლიპიდური მემბრანის სინთეზში.
მეტაბოლიზმი
ციტიკოლინი მეტაბოლიზდება ღვიძლში თავისუფალი ქოლინის წარმოქმნით. ღვიძლში წარმოქმნილი ქოლინიდან ლეციტინის სინთეზი ხდება. თავისუფალი ქოლინის ნახევარგამოყოფის პერიოდი კუნთში შეყვანის შემდეგ შეადგენს 2 სთ-ს. გამოყენება შესაძლებელია ლეციტინის სინთეზიდან ქონიდან. უფასო ქოლინის 
გამოყოფა
მხოლოდ მცირე რაოდენობა გამოიყოფა შარდით და ფეკალიებით (3%-ზე ნაკლები). დოზის დაახლოებით 12% გამოიყოფა ფილტვებით ნახშიროჟანგის სახით.
ჩვენებები
ციტიზენ ინჯექშენი ინიშნება თავის ტვინის ტრავმით გამოწვეული ცნობიერების დარღვევისას, ასევე თავის ტვინის ინფარქტის მწვავე სტადიის დროს.
თავის ტვინის  ტრავმით  გამოწვეული ცნობიერების დარღვევა:
ინიშნება 100-500 მგ ციტიზენ ინჯექშენი ერთხელ ან 2-ჯერ დღეში ინტრავენური ინფუზიის, ინტრავენური ინიექციის ან ინტრამუსკულური ინიექციის სახით. დოზა რეგულირდება პაციენტის ასაკის და მდგომარეობის შესაბამისად.
ცნობიერების დარღვევა თავის ტვინის ინფარქტის მწვავე სტადიის დროს:
ინიშნება 1000 მგ ციტიზენ ინჯექშენი ერთხელ დღეში ინტრავენური ინიექციის  სახით 2 კვირის განმავლობაში.
უკუჩვენებები
  • ჰიპერმგრძნობელობა ციტიზენ ინჯექშენის ან პრეპარატის ნებისმიერი სხვა კომპონენტის მიმართ.
  • პარასიმპათიკური ნერვული სისტემის ტონუსის მომატება.
ორსულობა  და ლაქტაცია
ორსულობისა და ძუძუთი კვების პერიოდში ციტიკოლინის უსაფრთხოების შესახებ საკმარისი მონაცემები არ მოიპოვება.
ორსულობის და ძუძუთი კვების პერიოდში ციტიკოლინის გამოყენება შეიძლება მხოლოდ მაშინ, როდესაც დედისათვის მოსალოდნელი სარგებელი აღემატება ნაყოფისათვის ან ბავშვისთვის მოსალოდნელ რისკს. 
გაფრთხილებები და სიფრთხილის ზომები
ურთიერთქმედება სხვა სამკურნალო საშუალებებთან და სხვა სახის ურთიერთქმედებები:
არ არსებობს მონაცემები ციტიკოლინისა და სხვა სამკურნალო საშუალებების ურთიერთქმედების შესახებ.
ზემოქმედება ავტომობილისა და  მექანიზმების მართვის  უნარზე:
არ არსებობს მონაცემები ციტიკოლინის ზემოქმედების შესახებ ავტომობილისა და მექანიზმების მართვის უნარზე.
გვერდითი ეფექტები
ციტიკოლინი პერორალურად უსაფრთხოა მოკლევადიანი მკურნალობის დროს (90 დღის განმავლობაში). გრძელვადიანი გამოყენების უსაფრთხოება ცნობილი არ არის. ციტიკოლონის გამოყენებისას მნიშვნელოვანი გვერდითი ეფექტები არ აღინიშნება. თუმცა ზოგიერთ პაციენტში აღინიშნება ისეთი გვერდითი ეფექტები, როგორიცაა დაძინების გაძნელება (უძილობა), თავის ტკივილი, დიარეა, დაბალი ან მაღალი არტერიული წნევა, გულისრევა, მხედველობის დაბინდვა, ტკივილი გულმკერდის არეში და სხვა. ციტიკოლინს ახასიათებს ძალიან დაბალი ტოქსიკურობის პროფილი ადამიანებში. მოკლევადიან, პლაცებო კონტროლირებად, ჯვარედინ კვლევაში მონაწილეობდა 12 ჯანმრთელი მოზრდილი, რომლებშიც ინიშნებოდა ციტიკოლინი სადღეღამისო დოზით 600 მგ და 1 000 მგ ან პლაცებო 5 დღის განმავლობაში. გარდამავალი  ხასიათის თავის ტკივილი აღინიშნებოდა 600 მგ-ის ფონზე 4 სუბიექტში, 1000 მგ-ის ფონზე - 5 პაციენტში და პლაცებოს ფონზე - ერთ სუბიექტში. ჰემატოლოგიურ, ბიოქიმიურ ანალიზებში ან ნევროლოგიური გამოკვლევის დროს ცვლილებები არ დაფიქსირებულა. კლინიკურ კვლევაში მონაწილეობდა 60-80 წლის 2 817 პაციენტი ცერებრული სისხლძარღვთა უკმარისობით. გვერდითი მოვლენების დაფიქსირდა  151 შემთხვევაში, რაც პაციენტთა 5% შეადგენდა. ყველაზე გავრცელებული გვერდითი ეფექტები კუჭის ტკივილის და დიარეის სახით აღინიშნებოდა 102 შემთხვევაში. 16 პაციენტში დაფიქსირდა ჰიპოტენზიის სიმპტომები, ტაქიკარდია ან ბრადიკარდია.
ჭარბი დოზირება
ადამიანებში ჭარბი დოზირების შემთხვევები არ არის ცნობილი.
შეუთავსებლობა
ციტიკოლინი არ გამოიყენება იმ სამკურნალო საშუალებებთან ერთად, რომლებიც შეიცავს მეკლოფენოქსატს (ასევე ცნობილია როგორც ასკლოფენოქსატი).
შენახვა
ინახება მშრალ, სინათლისაგან დაცულ ადგილას, არა უმეტეს 25°C ტემპერატურაზე. ინახება ბავშვებისთვის მიუწვდომელ ადგილას.
შეფუთვა:
ციტიზენ ინჯექშენი წარმოდგენილია 4 მლ ამპულის სახით. 
გაცემის წესი:
ფარმაცევტული პროდუქტის ჯგუფი II, გაიცემა ფორმა №3 რეცეპტით
მწარმოებელი:
შპს „ZEE LABORATORIES”
47 ინდასტრიალ არეა, 
პაონტა საჰიბი-173025 

მიმოხილვის დამატება

მსგავსი პროდუქცია

© 2017 CBS.GE . All rights reserved